رياض-30مئي (اي پي پي ) سعودي عرب ۾ ريلوي حاجين کي مڪي شريف ۽ مدينه منوره ۽ جده وچ ۾ ٽرانسپورٽ فراهم ڪرڻ لاءِ منصوبي جو اعلان ڪيو آهي . سبق ويب سائيٽ موجب حرمين ريلوي عازمين حج لاءِ امسال 3800 ٽرينون هلائيندو . انتظاميا موجب حاجين لاءِ خصوصي ٽرينون 19ذوالجحج تائين هلنديون رش جي وقت روزانو 126 ٽرينون هلايون وينديون جڏهن ته ٽرينن جو انگ ۾ 16 لک حاجين کي سفر جي سهولت فراهم هوندي واضح رهي ته حرمين ٽرين مڪي شريف مان جده ٿيندي مدينه منوره سان جوڙي ٿي . اها دنياجي تيز ترين ٽرين آهي جنهن جي رفتار 300 ڪلو ميٽر في ڪلاڪ آهي .
