رياض-20 ڊسمبر (اي پي پي) سعودي عرب جي سياحتي ڪميٽي چيو آهي ته هلندڙ سال جي پهرين ڇهه ماهي ۾ 53 ملين پرڏيهي سياح ملڪ آيا، جڏهن ته 39 ملين مقامي ماڻهو مختلف سياحتي ماڳن جو دورو ڪيو. اردو نيوز موجب انهن سياحن 150 ارب ريال خرچ ڪيا جن مان 86.9 ارب پرڏيهي سياحت مان حاصل ٿيا جڏهن ته 63.1 مقامي سياحن خرچ ڪيا. رپورٽ ۾ چيو ويو آهي ته هلندڙ سال جي پهرين ڇهه ماهي ۾ سياحت جي شعبي جي سرگرمين ۾ 142 سيڪڙو اضافو ٿيو جڏهن ته گذريل سال 2022ع هي اضافو 132 سيڪڙو هو. ٻئي طرف مقامي سطح تي سياحت کي 2022ع جي ڀيٽ ۾ ڪافي هٿي ملي جنهن سان سياحتي خرچن ۾ به 16 سيڪڙو اضافو ٿيو. پرڏيهه ويندڙ سعودي سياحن جي تعداد ۾ به گذريل سال جي ڀيٽ ۾ 49 سيڪڙو وڌيڪ اضافو ڏسڻ ۾ آيو. اهڙي طرح انهن طرفان خرچن ۾ 2022ع جي ڀيٽ ۾ 32 سيڪڙو اضافو رڪارڊ ڪيو ويو.
