غزه- 18 ڊسمبر (اي پي پي) غزه ۾ ٽيلي ڪام جون خدمتون فراهم ڪندڙ ڪمپنين پال ٽيل ۽ جوال چيو آهي ته غزه جي مرڪزي ۽ ڏاکڻن حصن ۾ ڪٽيل مواصلاتي سهولتون بحال ڪرڻ لاءِ ڪوششون جاري آهن. العربيه اردو مطابق پال ٽيل ۽ جوال پنهن جي بيان ۾ چيو آهي ته اسان جون فيلڊ ٽيمون مواصلاتي خرابي درست ڪرڻ ۾ مصروف آهن. ان سلسلي ۾ اسان لاڳاپيل عالمي ادارن سان پڻ رابطي ۾ آهيون. واضح رهي ته غزه ۾ ٽيليفونز ۽ انٽرنيٽ جون سموريون سهولتون 14 ڊسمبر کان مڪمل ڪٽيل آهن.
