جنيوا – 30 آڪٽوبر (اي پي پي) صحت واري عالمي اداري ۽ بين امدادي ادارن القدس اسپتال کي خالي ڪرائڻ واري اسرائيلي اعلان تي ڳڻتي جو اظهار ڪيو آهي. برطانيه جي خابرو اداري مطابق اتر غزه جي القدس اسپتال ۾ ڪم ڪندڙ ڊاڪٽرن ۽ فلسطيني هلال احمر چيو آهي، ته اسرائيل جي فوج کين فوري طور تي اتان نڪري وڃڻ لاءِ چيو آهي. صحت واري عالمي اداري جي ڊائريڪٽر جنرل ٽيڊروس ايڊهانوم گيبريس جو چوڻ هو ته خبر انتهائي ڳڻتي جوڳي آهي. هن ايڪس تي هڪ پوسٽ م چيو ته مريضن سان ڀريل اسپتالن کي خالي ڪرڻ اتي جي مريضن لاءِ انتهائي خطرناڪ آهي. انساني حقن جي عالمي قانون تحت صحت عامه جي ادارن جو تحفظ ڪرڻ گهرجي. انٽرنيشنل فيڊريشن آف ريڊ ڪراس ۽ ريڊ ڪريسنٽ سوسائٽيز پاران جاري هڪ بيان ۾ چيو ويو آهي ته اسپتالون مدد ۽ پناهه ٻنهي جو ڪم ڪري رهيون آهن.
