راملا -25 آڪٽوبر (اي پي پي) اسرائيل جي پوليس مسلمانن جي مسجد اقصيٰ ۾ داخلا تي پابندي لڳائي ڇڏي آهي. فلسطين جي سرڪاري خابرو ايجنسي مطابق والاريل بيت المقدس جي اسلامي اوقاف کاتي جي حوالي سان ٻڌايو ويو آهي ته اسرائيل جي پوليس قديم شهر ۾ واقع مسجد اقصيٰ ۾ مسلمانن جي داخلا تي پابندي لڳائي ڇڏي آهي. والاريل بيت المقدس جي اسلامي اوقاف جو انتظامي ڪنٽرول اردن وٽ آهي. اوقاف کاتي مطابق اسرائيل جي پوليس آفيسر مسجد اقصيٰ جا سڀئي دروازا اوچتو بند ڪرڻ شروع ڪري ڇڏيا ۽ مسلمانن جو مسجد اقصيٰ ۾ داخلا کان روڪي ڇڏيو جڏهن ته هو يهودي عبادگذارن کي مسجد ۾ تلمودي عقيدي مطابق عبادت جي لاءِ داخلا جي اجازت ڏئي ڇڏي آهي.
