رياض -24 آڪٽوبر (اي پي پي) سعودي عرب جي پرڏيهي وزير شهزاده فيصل بن فرحان پنهنجي شام جي هم منصب فيصل المقداد سان ٽيليفونڪ ڳالهه ٻولهه ڪئي ۽ غزه سميت ڀر پاسي وارن علائقن ۾ جاري فوج جي ڇڪتاڻ گهٽائڻ لاءِ رستو ڳولڻ بابت ڳالهيون ڪيون. سعودي خابرو اداري مطابق ٻنهي اڳواڻن خطي ۾ جاري تڪرار ۾ واڌ جي تناظر ۽ فلسطين جي عوام جي امنگن موجب هڪ منصفاڻو حل ڳولڻ جي اهميت تي به ڳالهيون ڪيون. پرڏيهي وزيرن ٻه طرفن ناتن ۽ ٻنهي ملڪن جي امنگن کي پورو ڪرڻ لاءِ ناتن کي وڌائڻ جي طريقن جو به جائزو ورتو.
