واشنگٽن -24 آڪٽوبر (اي پي پي) آمريڪي صدر جوبائيڊن چيو آهي، ته غزه ۾ جنگ بندي بابت ڳالهيون رڳو ان صورت ۾ ٿي سگهن ٿيون جڏهن حماس سمورن اسرائيل جي يرغمالين کي آزاد ڪندو. پرڏيهي خابرو اداري مطابق وائيٽ هائوس جي هڪ تقريب ۾ جوبائيڊن کان پڇيو ويو ته هو يرغمالين لاءِ جنگ بندي جي معاهدي جي حمايت ڪندو؟ جنهن تي هن چيو ته اسان انهن يرغمالين کي آزاد ڪرائڻ چاهيون ٿا ۽ پوءِ ڳالهيون ڪيون وينديون. جوبائيڊن جو اهو بيان ان جي فورن بعد سامهون آيو آهي، جڏهن حماس چيو ته هنن اسرائيل مان اغوا ڪيل وڌيڪ ٻن عورتن کي آزاد ڪري ڇڏيو آهي.
