آستانه (قزاخستان) – 12 سيپٽمبر (اي پي پي) صدر ممنون حسين چيو آهي ته افغانستان جو مسئلو جنگ ذريعي نه پر رڳو ڳالهين ذريعي حل ڪري سگهجي ٿو، پاڪستان افغانستان ۾ استحڪام جي لاءِ پنهنجي افغان ڀائرن جي مدد جاري رکندو. هن اها ڳالهه هتي پاڪستاني تعليمي ماهرن ۽ دانشورن جي ميڙ کي خطاب ڪندي چئي. صدر تقريب کي خطاب ڪندي چيو ته پاڪستان مان باصلاحيت ماڻهن جي ملڪ ڇڏي وڃڻ جو دور ختم ٿي چڪو آهي ۽ هاڻي پاڪستاني تعليمي ماهر ۽ پروفيشنلز پنهنجي ملڪ ۾ خدمتون سرانجام ڏيندا.
