اسلام آباد – 14 جولاءِ (اي پي پي) اطلاعات ۽ نشريات واري مملڪتي وزير مريم اورنگزيب چيو آهي ته جي آءِ ٽي جو وجود 10 جولاءِ تي پنهنجي حتمي رپورٽ پيش ڪرڻ کانپوءِ فوري ختم ٿي ويو. پنهنجي بيان ۾ هن چيو ته مختلف ذريعن کان منظرعام تي ايندڙ اهي خبرون انتهائي افسوسناڪ ۽ سپريم ڪورٽ جي هدايتن جي ابتڙ آهن ته جي آءِ ٽي اڃا به پنهنجي باضابطا ڪاررواين ۾ مصروف آهي. ان جا ڪيترائي ڪلاڪن تي ٻڌل اجلاس ٿي رهيا آهن، اڃا به ٻاهرئين ايجنسين ۽ ادارن سان ٽيليفونڪ رابطا ڪيا پيا وڃن ۽ ريمائنڊر موڪليا پيا وڃن.
