اسلام آباد – 12 مارچ (اي پي پي) صدر آصف علي زرداري جمهوريه ماريشس جي صدر ڌرمبير گوکول، حڪومت ۽ ماريشس جي عوام کي انهن جي قومي ڏينهن جي موقعي تي مبارڪباد ڏني آهي. ايوان صدر جي پريس ونگ موجب صدر پنهنجي مبارڪباد واري پيغام ۾ چيو ته پاڪستان ماريشس سان پنهنجي خوشگوار ۽ دوستاڻي لاڳاپن کي تمام گهڻي اهميت ڏي ٿو، جيڪي گڏيل اعتماد ۽ ٻطرفي ۽ گهڻ رخي …
صدر آصف علي زرداري پاران جمهوريه ماريشس جي قومي ڏينهن جي موقعي تي مبارڪُون
مزید خبریں
اسلام آباد – 12 مارچ (اي پي پي) صدر آصف علي زرداري جمهوريه ماريشس جي صدر ڌرمبير گوکول، حڪومت ۽ ماريشس جي عوام کي انهن جي قومي ڏينهن جي موقعي تي مبارڪباد ڏني آهي. ايوان صدر جي پريس ونگ موجب صدر پنهنجي مبارڪباد واري پيغام ۾ چيو ته پاڪستان ماريشس سان پنهنجي خوشگوار ۽ دوستاڻي لاڳاپن کي تمام گهڻي اهميت ڏي ٿو، جيڪي گڏيل اعتماد ۽ ٻطرفي ۽ گهڻ رخي فورمز تي تعميري تعاون تي ٻڌل آهن. هن چيو ته ٻنهي ملڪن جي قيادت جي وچ ۾ وڌندڙ رابطو ۽ گڏيل مفادن جي شعبن ۾ تعاون جو مسلسل فروغ حوصلي جوڳو آهي. صدر ان ڳالهه تي پڻ زور ڏنو ته عوامي سطح تي رابطا وڌائڻ سان گڏوگڏ واپار، تعليم، ثقافت ۽ سياحت جي شعبن ۾ تعاون کي وڌيڪ سگهه ڏئي ٻنهي ملڪن جي وچ ۾ حصيداري کي وڌيڪ مضبوط بڻائڻ جي خاطرخواهه صلاحيت موجود آهي. صدر آصف علي زرداري ان اعتماد جو اظهار ڪيو ته پاڪستان ۽ ماريشس جي وچ ۾ دوستاڻا لاڳاپا ايندڙ سالن ۾ وڌيڪ مستحڪم ٿيندا ۽ ٻنهي ملڪن جي عوام جي گڏيل مفاد ۾ وڌيڪ وڌندا. صدر آصف علي زرداري صدر ڌرمبير گوکول جي سٺي صحت ۽ خوشي ۽ ماريشس جي عوام جي مسلسل امن، ترقي ۽ خوشحالي جي لاءِ نيڪ خواهشن جو اظهار ڪيو.
