وزيراعظم پاران بلوچستان ۾ ڀارتي حمايت يافته فتنه الخوارج ۽ فتنه الهندوستان سان تعلق رکندڙ 15 دهشتگردن کي مارڻ تي سيڪيورٽي فورسز کي خراج تحسين پيش

اسلام آباد -07  مارچ (اي پي پي) وزيراعظم محمد شهباز شريف  بلوچستان جي علائقي هرنائي ۽ بسيمه ۾ ڀارتي حمايت يافته فتنه الخوارج ۽ فتنه الهندستان سان تعلق رکندڙ 15 دهستگردن کي مارڻ تي سيڪيورٽي فورسز کي خراج تحسين پيش ڪيو آهي. ڇنڇر ڏينهن وزيراعظم آفيس جي ميڊيا ونگ پاران جاري بيان موجب وزيراعظم چيو ته عزم استحڪام جي ويزن تحت سيڪيورٽي فورسز دهشتگردي خلاف وڏيون ڪاميابيون حاصل ڪري رهي آهي. هن چيو ته دهشتگردي جي ان جنگ ۾ پوري قوم پاڪ فوج سان گڏ آهي، اسان ملڪ مان دهشتگردي جي مڪمل خاتمي لاءِ پرعزم آهيون.