پاڪستان جي ترقي وسيلن يا محنت جي کوٽ سبب ناهي رڪيل، اداره جاتي صلاحيت ۽ گورننس جي مضبوط ٽئين درجي جي عدم موجودگي ان جو وڏو سبب آهي: احسن اقبال

اسلام آباد-26 فيبروري (اي پي پي)رٿابندي، ترقي ۽ خصوصي قدمن واري وفاقي وزير پروفيسر احسن اقبال چيو آهي ته پاڪستان جي ترقي وسيلن يا محنت جي کوٽ سبب ناهي رڪيل پر اداره جاتي صلاحيت ۽ گورننس جي مضبوط ٽئين درجي جي عدم موجودگي ان جو وڏو سبب آهي. پاڪستان گورننس فورم 2026ع کي خطاب ڪندي هن چيو ته 24 ڪروڙ آبادي واري ملڪ کي رڳو 1200 سرڪاري آفيسن ذريعي موثر انداز ۾ نٿو هلائي سگهجي. جمهوريت کي حقيقي معنيٰ ۾ ثمر وارو بڻائڻ لاءِ ان کي هيٺين سطح تائين سگهه ڏيڻي پوندي. جتي گهٽ ۾ گهٽ 2 لک مقامي نمائندا عوام جي خدمت ۾ فعال ڪردار ادا ڪن. هن چيو ته جيستائين هيٺين سطح کي بااختيار نٿو بڻايو وڃي ۽ موسمياتي مزاحمت (ڪلائميٽ ريزيلينس) کي معيشت جي بنيادي ڍانچي جو حصو نٿو بڻايو وڃي، ان وقت تائين گورننس جو ڳجهه مڪمل نٿو ٿي سگهي. رٿابندي واري وزير چيو ته پاڪستان گورننس فورم 2026ع هڪ باوقار ۽ موثر اجتماع هو جنهن ۾ وفاقي ۽ صوبائي حڪومتن جي اعليٰ قيادت، عالمي ترقياتي حصيدارن، موسم جي ماهرن، يونيورسٽي، ٿنڪ ٽينڪس ۽ دانشمندن شرڪت ڪئي. هي پليٽ فارم گهرو ۽ هر رخ کان احتساب ذات جو موقعو فراهم ڪري ٿو ته جيئن ان ڳالهه جو جائزو وٺي سگهجي ته قومي ترقي کي نئين جلا بخشڻ لاءِ گورننس جي ڍانچي ۾ ڪهڙن سڌارن جي ضرورت آهي. هن مقامي ۽ طرز حڪمراني جي ماڊلز جي فوري ضرورت تي زور ڀريو. هن چيو ته اهڙو نظام جيڪو اسان جي تاريخ، ثقافت ۽ معاشرتي حقيقتن ۾ ڳنڍيل هجي، هن جو چوڻ هو ته ڊگهي عرصي کان اهڙا فريم ورڪ اوڌر تي ورتا ويا جيڪي عوامي قدرن ۽ عملي زندگي سان مڪمل هم آهنگ نه هئا، تنهن ڪري هاڻي وقت اچي ويو آهي ته اهڙا گورننس جا ڍانچا جوڙيا وڃن جيڪي جوابدهي، موثر ۽ قومي سڃاڻپ جا عڪاس هجن. هن چيو ته اسان جي روايت، جيڪا اسلامي تعليمات ۽ مسلم اڳواڻن جي ميراث مان رهنمائي حاصل ڪري ٿي، عدل، احتساب، مشاورت (شوري) ۽ عوامي ڀلائي جا واضح اصول فراهم ڪري ٿي. هن چيو ته ملازمن جي قيادت جو تصور جنهن تي اڄ سڄي دنيا ۾ ڳالهه ٻولهه ٿي رهي آهي، حقيقت ۾ اسلامي اصولن ۾ هميشه موجود رهيو آهي، جتي قيادت کي امانت ۽ خدمت جو ذريعو سمجهيو وڃي ٿو، هن ان عزم جو اظهار ڪيو ته پاڪستان کي امپورٽ ٿيل سانچن جي نه پر پنهنجي فڪري ميراث تي اعتماد جي ضرورت آهي. اهڙا سڌارا اڻٽر آهن جيڪي قومي طاقتن کي استعمال ۾ آڻين، منفرد چئلينجز جو ادراڪ ڪن ۽ اهڙا ادارا جوڙيون جيڪي عوام جي امنگن سان هم آهنگ هجن. هن چيو ته ڳالهيون شروع ٿي چڪيون آهن ۽ گڏيل ڪوششن سان هڪ اهڙو نظام حڪمراني جوڙي سگهجي ٿو جيڪو حقيقي معنيٰ ۾ قومي سڃاڻپ جو عڪاس ۽ مستقبل جي گهرجن سان هم آهنگ هجي.