اسلام آباد-26 فيبروري (اي پي پي) پارلياماني معاملن واري وفاقي وزير ڊاڪٽر طارق فضل چوڌري چيو آهي ته عام شهرين جي قتل کي ڪڏهن به جائز قرار نٿو ڏئي سگهجي. غزه ۾ شهري بي پناهه تڪليفن سبب بڻجندڙ ڪاررواين جو شڪار آهن ۽ انهن جي اڻٽٽ صف بندي جي روشنيءَ ۾ نريندر مودي جا ريمارڪس کوکلا آهن. اسرائيلي پارليامينٽ کي خطاب ۾ پهرين ڀارتي وزيراعظم نريندر مودي جي ريمارڪس تي …
عام شهرين جي قتل کي ڪڏهن به جائز قرار نٿو ڏئي سگهجي: ڊاڪٽر فضل چوڌري جو ڀارتي وزيراعظم جي بيان تي ردِعمل
مزید خبریں
اسلام آباد-26 فيبروري (اي پي پي) پارلياماني معاملن واري وفاقي وزير ڊاڪٽر طارق فضل چوڌري چيو آهي ته عام شهرين جي قتل کي ڪڏهن به جائز قرار نٿو ڏئي سگهجي. غزه ۾ شهري بي پناهه تڪليفن سبب بڻجندڙ ڪاررواين جو شڪار آهن ۽ انهن جي اڻٽٽ صف بندي جي روشنيءَ ۾ نريندر مودي جا ريمارڪس کوکلا آهن. اسرائيلي پارليامينٽ کي خطاب ۾ پهرين ڀارتي وزيراعظم نريندر مودي جي ريمارڪس تي سماجي رابطن جي ويب سائٽ ايڪس تي پنهنجي هڪ بيان ۾ هن چيو ته غزه پورو کنڊر بڻيل آهي، غذائي کوٽ تباهه ڪُن سطح تي پهچي چڪي آهي، طبي سهولتون مشڪل سان ڪم ڪري رهيون آهن ۽ وري وري ٿيندڙ ڇڪتاڻ پُراڻي امن جي اميدن کي مٽيءَ ۾ ملايو ڇڏي. انساني حق ۽ شهري تحفظ جا اصول چونڊيل نعرا نٿا ٿي سگهن. هن چيو ته عالمي قيادت اخلاقي مستقل مزاجي جي گُهر ڪري ٿي، جڏهن معاشي يا اسٽريٽجڪ مفاد انساني خدشن کي ختم ڪن ٿا ته مجبورن ساک تي سواليه نشان لڳي وڃي ٿو. امن لاءِ حقيقي وابستگي جي گهرج آهي ته ناانصافي جتي به هجي ان خلاف آواز اُٿاريو وڃي. هي لمحو سڄي دنيا جي عوام کان غور ۽ فڪر جو مطالبو ڪري ٿو. سفارتي ۽ واپاري ناتن کي ڪڏهن به بنيادي انساني قدرن جي قيمت تي نه اچڻ گهرجي. دنيا کي فيصلو ڪرڻو پوندو ته هو گهٽ مُدي واري فائدي کي ترجيح ڏيندي يا عالمي انصاف ۽ انساني وقار سان مضبوطيءَ سان بيٺل رهندي.
