اسلام آباد-27 آڪٽوبر (اي پي پي) سائنس ۽ ٽيڪنالاجي واري وفاقي وزير خالد حسين مگسي ڄمون ڪشمير جي عوام سان پاڪستان جي پُختي يڪجهتي کي ورجائيندي ان عزم کي ورجايو ته پاڪستان ڪشميرين جي خوداراديت واري حق لاءِ پنهنجي اخلاقي، سياسي ۽ سفارتي حمايت جاري رکندو. ڪشمير جي ڪاري ڏينهن جي موقعي تي پنهنجي خاص پيغام ۾ هن چيو ته 27 آڪٽوبر تاريخ جو اهو ڪارو ڏينهن آهي جڏهن 1947ع …
پاڪستان ڪشميرين جي خوداراديت واري حق لاءِ پنهنجي اخلاقي، سياسي ۽ سفارتي حمايت جاري رکندو: وفاقي وزير خالد حسين مگسي
اسلام آباد-27 آڪٽوبر (اي پي پي) سائنس ۽ ٽيڪنالاجي واري وفاقي وزير خالد حسين مگسي ڄمون ڪشمير جي عوام سان پاڪستان جي پُختي يڪجهتي کي ورجائيندي ان عزم کي ورجايو ته پاڪستان ڪشميرين جي خوداراديت واري حق لاءِ پنهنجي اخلاقي، سياسي ۽ سفارتي حمايت جاري رکندو. ڪشمير جي ڪاري ڏينهن جي موقعي تي پنهنجي خاص پيغام ۾ هن چيو ته 27 آڪٽوبر تاريخ جو اهو ڪارو ڏينهن آهي جڏهن 1947ع ۾ ڀارت غير قانوني طور والاريل ڄمون ڪشمير تي قبضو ڪيو جنهن جي نتيجي ۾ ڪشميري عوام ڏهاڪن کان ظلم ۽ ڏاڍ جو شڪار آهي. هن ڀارتي فوج طرفان ڄمون ڪشمير ۾ جاري ظلمن جي مذمت ڪندي چيو آهي ته اهي ڪارروايون انسانيت جي ضمير لاءِ هڪ چئلينج آهن. ڪشمير مسئلو صرف علائقائي تڪرار ناهي پر هڪ انساني مسئلو آهي جنهن تي عالمي برادريءَ کي فوري ڌيان ڏيڻ گهرجي. وفاقي وزير چيو ته ڀارت ڪشميري عوام جي ڌار سُڃاڻپ کي مٽائڻ جي ڪوشش ڪري رهيو آهي، جڏهن ته ڪشميرين جي جدوجهد ۽ قربانيون انهن جي آزاديءَ واري عزم جي روشن علامت آهن. هن عالمي برادريءَ تي زور ڀريو ته هو ڪشميري عوام جي ڊگهي جدوجهد کي تسليم ڪري ۽ ان مطابق ڪردار ادا ڪري. هن چيو ته ڏکڻ ايشيا ۾ پائيدار امن ان وقت تائين ممڪن ناهي جيستائين ڪشمير مسئلي کي گڏيل قومن جي ٺهرائن ۽ ڪشميري عوام جي اُمنگن موجب حل نٿو ڪيو وڃي.
