اسلام آباد- 27 آڪٽوبر (اي پي پي) حريت اڳواڻ ياسين ملڪ جي گهرواري مشعال ملڪ چيو آهي ته ڀارت ڪشمير ۾ قيادت کي خاموشيءَ سان ختم ڪرڻ جي پاليسي تي گامزن آهي، ياسين ملڪ امن جو سفير آهي، کيس خاموش ڪرڻ خطي کي ڌماڪه خيز صورتحال طرف ڌڪڻ جي برابر آهي. سومر ڏينهن ڪشمير جي ڪاري ڏينهن جي موقعي تي پنهنجي پيغام ۾ هن چيو ته ڪشمير اڄ به دنيا …
ڀارت ڪشمير ۾ قيادت کي خاموشيءَ سان ختم ڪرڻ جي پاليسي تي گامزن آهي: مشعال ملڪ
اسلام آباد- 27 آڪٽوبر (اي پي پي) حريت اڳواڻ ياسين ملڪ جي گهرواري مشعال ملڪ چيو آهي ته ڀارت ڪشمير ۾ قيادت کي خاموشيءَ سان ختم ڪرڻ جي پاليسي تي گامزن آهي، ياسين ملڪ امن جو سفير آهي، کيس خاموش ڪرڻ خطي کي ڌماڪه خيز صورتحال طرف ڌڪڻ جي برابر آهي. سومر ڏينهن ڪشمير جي ڪاري ڏينهن جي موقعي تي پنهنجي پيغام ۾ هن چيو ته ڪشمير اڄ به دنيا جو سڀ کان وڌيڪ فوجي قبضي وارو خطو آهي جتي 19 لک ڀارتي فوجي مقرر آهن. مشعال ملڪ چيو ته ڪشميرين جي مائرن کان سندن پٽ کسي جهولي خالي ڪئي وئي، 78 ورهين بعد به مائرن جا ڳوڙها سڪا ناهن. ڀارت ڪشمير ۾ قيادت کي خاموشيءَ سان ختم ڪرڻ جي پاليسي تي گامزن آهي. هن چيو ته 10 نومبر ياسين ملڪ جو ٽرائل ناهي پر عالمي انصاف جو امتحان آهي. ياسين ملڪ امن جو سفير آهي، کيس خاموش ڪرڻ خطي کي ڌماڪيدار مادي طرف وٺي وڃڻ جي برابر آهي. هن چيو ته جيڪڏهن عالمي طاقتون خاموش رهيون ته ڪشمير دنيا جو ايندڙ سياسي ڌماڪو بڻجي سگهي ٿو.
