سيڪيورٽي فورسز پاران لڪي مروت ۾ ڪارروائي، 08 خوارجي جهنم حوالي، 05 سخت زخمي

راولپنڊي-24 آڪٽوبر(اي پي پي) سيڪيورٽي فورسز لڪي مروت ۾ ڳجهي اطلاع تي ڪارروائي ڪئي جنهن ۾ 08 خوارجي مارجي ويا آهن. سيڪيورٽي ذريعن مطابق 24 آڪٽوبر تي فورسز جي ڪارروائي ۾ 08 خوارجي مارجي ويا جڏهن ته 05 سخت زخمي  ٿي پيا آهن. سيڪيورٽي فورسز جي اها ڪارروائي ڳجهي اطلاع تي لڪي مروت جي علائقي وانڊه شيخ الله ۾ ڪئي وئي. سيڪيورٽي فورسز جي عسڪري مهارت سان ڪيل ڪارروائي ۾ خارجين کي فرار ٿيڻ جو ڪو به موقعو نه ملي سگهيو. علائقي ۾ امڪاني دهشتگردن جي موجودگي جي خدشي کي نظر ۾ رکندي سرچ آپريشن جاري آهي. نيشنل ايڪشن پلان تحت آخري خوارجي جي خاتمي ۽ امن امان جي بحالي تائين ڪارروايون جاري رهنديون.