قومي اسيمبلي جي اسپيڪر پاران حڪومتي ۽ مخالف ڌر جي ڳالهين واري ڪميٽي جو اجلاس 28 جنوري تي طلب

اسلام آباد-24 جنوري (اي پي پي) قومي اسيمبلي جي اسپيڪر سردار اياز صادق حڪومتي ۽ مخالف ڌر جي ڳالهين واري ڪميٽي جو اجلاس 28 جنوري تي طلب ڪري ورتو آهي. اهو چوٿون اجلاس هوندو. قومي اسيمبلي سيڪريٽريٽ موجب ڳالهين واري ڪميٽي جو چوٿون اجلاس 28 جنوري ڏينهن جو 11 لڳي 45 منٽن تي پارليامينٽ هائوس جي ڪميٽي روم ۾ ان ڪئميرا ٿيندو جنهن جي صدارت قومي اسيمبلي جو اسپيڪر سردار اياز صادق ڪندو.