بيجنگ -01 اپريل (اي پي پي ) چين آمريڪا جو سفر ڪندڙ شهرين کي خبردار ڪيو آهي ته هو اڻ وڻندڙ حالتن کي منهن ڏيڻ لاءِ تيار رهن . ٽي آر ٽي موجب چيني پرڏيهي وزير جي وي چيٽ اڪائونٽ تي نشر ٿيندڙ سفري اعلان ۾ چيو آهي ته ڪجهه چيني شاگرد ۽ ڪمپني جا ملازمن کي حال هي ۾ آمريڪا جي هوائي اڏي تي پوليس غير قانوني پڇا ڳڇا ۽ حيراسمنٽ ڪري رهي آهي . بيان ۾ چيو ويو آهي ته چيني شهري فون ، ڪمپيوٽر ۽ ان جي سامان ۾ موجود ٻين شين جي هڪ هڪ ڪري تلاشي ورتي وئي انهن مان ڪجهه کي ملڪ ۾ داخلاتي پابندي هنئين وئي ۽ چيو ويو آهي ته آمريڪا ويندڙن کي به اهڙي ئي صورتحال درپيش ٿي سگهي ٿي بيان ۾ چيو ويو آهي ته چيني پرڏيهي وزير ۽ واشنگٽن ۾ سفارت خاني ۽ ٻين هنڌن تي قونصل خانن ان معاملي تي آمريڪي اڳواڻن سان احتجاج ڪيو .
