سيئول _ 25 جنوري (اي پي پي ) ڏکڻ ڪوريا چيو آهي ته اتر ڪوريا گذريل ڏينهن ييلو سمنڊ ۾ ڪيترائي ڪروز ميزائل فائر ڪيا آهن جيڪو ايٽمي هٿيارن سان ليس رياست طرفان ڇڪتاڻ وڌائڻ جو تازو قدم آهي . اي ايف پي ڏکڻ ڪوريا جي جوائنٽ چيف آف اسٽاف جي بيان جي حوالي سان ٻڌايو ته اسان جي فوج مقامي وقت مطابق صبح اٽڪل 7 وڳي اتر ڪوريا طرفان يلو سمنڊ ۾ اڇلايل ميزائلن جو پتو لڳايو . پر گڏيل قومن طرفان اتر ڪوريا جي ڪروز ميزائل ٽيسٽ تي پابندي لاڳو ناهي ڇو ته اهي جيٽ سان هلندا آهن ۽ جديد بيلسٽڪ ميزائلن جي مقابلي ۾ گهٽ بلندي تي سفر ڪندا آهن .
