والاريل بيت المقدس-17 نومبر(اي پي پي)اسرائيلي فوج اولهندي ڪناري جي علا.قي جنين ۾ واقع ابن سينا اسپتال کي به خالي ڪرڻ جو حڪم ڏئي ڇڏيو آهي. فلسطيني خابرو اداري جي رپورٽ مطابق اسرائيلي فوج اولهندي ڪناري ۾ تازي ڇاپامار ڪارروائي ڪندي طبي عملي جي 02 ملازمن کي به گرفتار ڪيو آهي. رپورٽ مطابق اسرائيلي فوج اسپتال کي ڪيترن ئي ڪلاڪن تائين چئني طرفن کان ڪڙو چاڙهي رکيو هو . اسرائيلي فوج جي اهلڪارن اسپتال اندر ايمبولينسز جي به جهڙتي ورتي ۽ لائوڊ اسپيڪر ذريعي اسپتال کي خالي ڪرڻ جو پڻ چيو آهي. اسرائيلي فوجين اسپتال ۾ مقرر عملي کي هٿ مٿي ڪري اسپتال مان ٻاهر نڪري وڃڻ جو پڻ حڪم جاري ڪيو ۽ پوءِ اسپتال جي اڱڻ ۾ سندن انفرادي طور تلاشي پڻ ورتي. ان کان اڳ رات جو اسرائيلي فوج جنين شهر ۽ پناهگيرن بابت ڪيمپ مان اٽڪل 07 ڄڻن کي گرفتار پڻ ڪيو ۽ ڪجهه گهٽين کي ڊاهي پٽ ڪري ڇڏيو. اسرائيلي فوج جي فائرنگ ۽ ڊرون حملن ۾ ڪيترائي شهري زخمي پڻ ٿيا آهن. جن کي علاج لاءِ مختلف اسپتالن ۾ پهچايو ويو آهي.
