اسلام آباد – 19 آڪٽوبر (اي پي پي) منشيات جي روڪٿام بابت مملڪتي وزير شهريار آفريدي چيو آهي ته موجوده حڪومت وزيراعظم عمران خان جي ويزن مطابق منشيات جي عادي ماڻهن کي گرفتار ڪرڻ بجاءِ ڊرگ مافيا جي وڏين مڇين کي پڪڙي رهي آهي ته جيئن معاشري مان منشيات جي لعنت جو خاتمو يقيني بڻائي سگهجي. اي اين ايف جي گواهن جي تحفظ لاءِ ڪيس کي پنڊي منتقل ڪيو وڃي يا ڪيس جو ٽرائل جيل ۾ ڪيو وڃي. اي اين ايف اسان جو عالمي سطح جو ادارو آهي. اها فورس يونيفارم ۾ آهي. اسان رانا ثناءُ الله جي اثاثن جو پتو لڳائي ورتو آهي. جن ۾ پلازه، ريئل اسٽيٽ ۽ وڏي رقم جا بئنڪ اڪائونٽس شامل آهن. اهڙن خيالن جو اظهار هن ڪوهسار ڪمپليڪس اسلام آباد ۾ پريس ڪانفرنس کي خطاب ڪندي ڪيو.
