اسلام آباد – 07 جنوري (اي پي پي) اطلاعات ۽ نشريات واري وفاقي وزير چوڌري فواد حسين ريڊيو پاڪستان ملتان اسٽيشن تان بلوچي ۾ پروگرامن جي سيريز شروع ڪرڻ جي آجيان ڪندي چيو آهي ته پاڪستان تحريڪ انصاف جي حڪومت مقامي زبانن جي فروغ ۽ حوصلا افزائي تي يقين رکي ٿي، مادري ۽ علائقائي زبانون اسان جي ثقافت جو حسن آهن، مقامي زبانن جو فروغ ريڊيو پاڪستان جو هڪ انتهائي احسن قدم آهي. ريڊيو پاڪستان ملتان اسٽيشن تان بلوچي زبان ۾ پروگرام جاري ڪرڻ جي حوالي سان پنهنجي پيغام ۾ وفاقي وزير چوڌري فواد حسين چيو ته پنجاب جي وڏي وزير سردار عثمان خان بوزدار ريڊيو پاڪستان ملتان اسٽيشن تان بلوچي زبان ۾ پروگرام جاري ڪرڻ جو جلد افتتاح ڪندو.
