اسلام آباد – 31 ڊسمبر (اي پي پي) وزيراعظم عمران خان ديامير ڀاشا ڊيم جي تعمير جي سلسلي ۾ اوورسيز پاڪستانين جي جذبي کي انتهائي حوصلي جوڳو ۽ تحسين جوڳو قرار ڏيندي چيو آهي ته ملڪ ۾ پاڻي جي زخيرن جي حفاظت وقت جي اهم ضرورت آهي، ڊيم فنڊ ۾ اندرون ۽ ٻاهرئين ملڪ مان جيڪو ردعمل مليو آهي ان کي نظر ۾ رکندي اها اميد ڪري سگهجي ٿي ته اهو منصوبو مقرر وقت کان به اڳ شروع ٿي ويندو، هو تمام جلد مهمند ڊيم منصوبي جي پيڙهه جو پٿر رکندو. هن اها ڳالهه دبئي سان تعلق رکندڙ اوورسيز پاڪستانين جي واپاري وفد سان ڳالهائيندي چئي جنهن ممتاز مسلم جي سربراهي ۾ ساڻس ملاقات ڪئي.
