اسلام آباد – 25 ڊسمبر (اي پي پي) اطلاعات ۽ نشريات واري وفاقي وزير چوڌري فواد حسين چيو آهي ته پوري قوم پنهنجي محسن کي اڄ جي ڏينهن خراج عقيدت پيش ڪري ٿي، قائداعظم محمد علي جناح آئين ۽ قانون جي حڪمراني تي پڪو يقين رکندو هو. چوڌري فواد حسين باباءِ قوم قائداعظم محمد علي جناح جي پيدائش واري ڏهاڙي تي پنهنجي پيغام ۾ چيو ته قائد اهڙو پاڪستان چاهيندو هو جتي هر ماڻهو پنهنجي مذهب، عقيدي ۽ سوچ موجب پنهنجي زندگي گذاري سگهي.
