لاهور – 20 ڊسمبر (اي پي پي) صدر ڊاڪٽر عارف علوي چيو آهي ته پاڪستاني فوج سرحدن جي حفاظت سان گڏوگڏ دهشتگردي کي منهن ڏيڻ جي ڀرپور صلاحيت رکي ٿي جنهن کي عالمي سطح تي به تسليم ڪيو وڃي ٿو، قوم جي حيثيت سان اسان کي پنهنجي فورسز تي فخر آهي، ميري ٽائيم سيڪٽر جي ترقي کي محور ۽ مرڪز بڻائڻ پاڪستان جي اقتصادي ترقي لاءِ ضروري آهي، قائداعظم جي فرمان ايمان، اتحاد ۽ يقين محڪم تي عمل ڪري اسان ملڪ کي ترقي جي رستي تي گامزن ڪري سگهون ٿا. هو پاڪستان نيوي وار ڪاليج ۾ ٻئي ميري ٽائيم سيڪيورٽي ورڪشاپ جي پڄاڻي واري تقريب کي خطاب ڪري رهيو هو.
