حڪومت پاڪستان کي فلاحي رياست بڻائڻ لاءِ قدم کڻي رهي آهي: مريم اورنگزيب

اسلام آباد – 19 ڊسمبر (اي پي پي) اطلاعات، نشريات ۽ قومي ورثي واري مملڪتي وزير مريم اورنگزيب چيو آهي ته وزيراعظم محمد نواز شريف جي قيادت ۾ موجوده حڪومت قائداعظم محمد علي جناح جي فڪر موجب پاڪستان کي حقيقي فلاحي رياست بڻائڻ جي لاءِ قدم کڻي رهي آهي. قائداعظم محمد علي جناح جي 141 هين سالگرهه جي هفتيوار تقريبن جي شروعات جي سلسلي ۾ پي اين سي اي ۾ خطاب ڪندي هن چيو ته ملڪ جي 60 سيڪڙو نوجوان آبادي کي قائد جي ويزن ۽ نظريه پاڪستان کان روشناس ڪرائڻ جي لاءِ وڏين تقريبن جو اهتمام ڪيو پيو وڃي.