گڏيل مفادن واري ڪائونسل پاران 15 مارچ کان آدمشماري ڪرائڻ تي اتفاق

اسلام آباد – 16 ڊسمبر (اي پي پي) گڏيل مفادن واري ڪائونسل ايندڙ سال 15 مارچ کان قومي آدمشماري ڪرائڻ تي اتفاق ڪيو آهي جنهن ۾ گهرشماري ۽ آدمشماري گڏ ڪئي ويندي. وزيراعظم محمد نواز شريف جي صدارت ۾ گڏيل مفادن واري ڪائونسل جو اجلاس وزيراعظم هائوس ۾ ٿيو جنهن ۾ اتفاق ڪيو ويو ته آدمشماري ٻن مرحلن ۾ ڪرائي سگهجي ٿي جڏهن ته هر مرحلو سمورن صوبن ۾ هڪ وقت شروع ڪيو ويندو. اجلاس ۾ اتفاق ڪيو ويو ته آدمشماري صوبائي حڪومتن جي ٺوس رابطن سان ڪئي ويندي.