اسلام آباد – 27 فيبروري (اي پي پي) وزيراعظم عمران خان هدايت ڪئي آهي ته سرڪاري ڪمپنين جي بورڊ آف ڊائريڪٽرز ۾ قابل، تجربيڪار ۽ ماهرن کي شامل ڪيو وڃي ته جيئن سرڪاري مداخلت گهٽ رهي ۽ ڪارڪردگي ۾ اضافو ٿئي. وزيراعظم عمران خان جي صدارت ۾ پيٽروليم ۽ گئس سيڪٽر جي پيداوار ۾ اضافي جي حوالي سان مشاورتي اجلاس ٿيو. اجلاس ۾ ناڻي واري وفاقي وزير اسد عمر، پيٽروليم واري وفاقي وزير غلام سرور خان، توانائي ٽاسڪ فورس جي سربراهه نديم بابر ۽ پيٽروليم جي سينيئر آفيسرن شرڪت ڪئي.
