اسلام آباد – 20 سيپٽمبر (اي پي پي) صدر ممنون حسين چيو آهي ته پاڪستان ۽ سوئٽزرلينڊ جي وچ ۾ واپار ۾ اضافي ۽ پاڪستان ۾ سوئيس سيڙپڪاري جي فروغ تي ٻيهر ڌيان ڏيڻ جي ضرورت آهي. اها ڳالهه هن سوئٽزرلينڊ جي لاءِ پاڪستان جي نامزد سفير احمد نسيم وڙائچ سان ڳالهائيندي چئي جنهن ايوان صدر ۾ ساڻس ملاقات ڪئي آهي. صدر چيو ته سوئٽزرلينڊ سان واپاري، ثقافتي ۽ تعليمي وفدن جي مٽاسٽا ڪئي وڃي ۽ پاڪستاني شاگردن جي لاءِ وظيفا حاصل ڪرڻ تي ڌيان ڏنو وڃي ته جيئن پاڪستاني شاگردن کي اعليٰ تعليم جا بهتر موقعا ميسر اچي سگهن.
