نيويارڪ – 19 سيپٽمبر (اي پي پي) وزيراعظم شاهد خاقان عباسي چيو آهي ته پاڪستان کي روهنگيا مسلمانن تي ٿيندڙ تشدد تي ڳڻتي آهي، ميانمار جي حڪومت گڏيل قومن جي جائزه مشن کي ملڪ اچڻ جي اجازت ڏي، روهنگيا مسلمانن کي ميانمار ۾ ٻين شهرين وانگر برابر حق ڏنا وڃن، عالمي برادري برما ۾ روهنگيا مسلمانن کي محفوظ ماحول فراهم ڪرڻ جي لاءِ پنهنجون ڪوششون ڪري، او آءِ سي ۽ مسلمان امت کي روهنگيا مسلمانن جي لاءِ گڏيل آواز اٿارڻ گهرجي. گڏيل قومن جي جنرل اسيمبلي جي اجلاس جي موقعي تي او آءِ سي جي رابطا گروپ جي اجلاس ۾ ڳالهائيندي وزيراعظم شاهد خاقان عباسي چيو آهي ته پاڪستان کي ميانمار ۾ روهنگيا مسلمانن جي حالت تي وڏي ڳڻتي آهي، سوين معصوم ٻار، عورتون ۽ مرد قتل ڪيا ويا آهن.
