اسلام آباد – 29 آگسٽ (اي پي پي) وزيراعظم شاهد خاقان عباسي ريلوي جي بحالي لاءِ کنيل قدمن کي ساراهيندي چيو آهي ته مسافرن کي بهترين سفري سهولتون فراهم ڪرڻ اولين ترجيح هجڻ گهرجي، جڏهن ته وزيراعظم کي ٻڌايو ويو ته 14 – 2013ع ۾ ريلوي جي ڪل آمدني 18 ارب 20 ڪروڙ هئي، هاڻي مسافرن مان ٿيندڙ آمدني 50 ارب رپين تائين پهچي چڪي آهي، مال بردار گاڏين جي آمدني ڏيڍ ارب مان وڌي 12 ارب ٿي چڪي آهي، ريلوي بحالي جي لاءِ ٺوس معاشي حڪمت عملي اختيار ڪئي وئي آهي. وزيراعظم شاهد خاقان عباسي کي ريلوي واري وزارت جي حوالي سان بريفنگ ڏني وئي، ريلوي واري وزير خواجه سعد رفيق چئن سالن دوران کنيل قدمن کان آگاهه ڪيو.
