اسلام آباد – 28 آگسٽ (اي پي پي) وزيراعظم شاهد خاقان عباسي چيو آهي ته موجوده حڪومت جي اختيار ڪيل دانشمنداڻي پاليسين جي ڪري ملندڙ معاشي بحالي کي اقتصادي استحڪام کي برقرار رکڻ ۽ پائيدار اقتصادي واڌويجهه کي يقيني بڻائڻ جي لاءِ وڌيڪ سگهه ڏيڻ گهرجي، ٽيڪس جو نظام سرڪاري شعبي جي مئنيجمينٽ ۾ بنيادي اهميت رکي ٿو، حڪومت ٽيڪس اوڳاڙين کي عام ماڻهو جي ڀلائي ۽ ترقي لاءِ استعمال ۾ آڻڻ جي لاءِ پرعزم آهي. هن اها ڳالهه روينيو ۽ ٽيڪس اوڳاڙين بابت وزيراعظم آفيس ۾ اجلاس جي صدارت ڪندي چئي. ناڻي واري وفاقي وزير سينيٽر اسحاق ڊار وزيراعظم کي ملڪ جي موجوده اقتصادي ۽ مالي صورتحال بابت آگاهه ڪيو.
