اسلام آباد – پهرين فيبروري (اي پي پي) قومي خابرو اداري ايسوسيئيٽيڊ پريس آف پاڪستان (اي پي پي) جي مئنيجنگ ڊائريڪٽر مسعود ملڪ چيو آهي ته نائن اليون جي واقعي کانپوءِ مسلمان آمريڪي اسٽيبلشمينٽ جونشانو بڻيل آهن ۽ آمريڪي صدر ڊونلڊ ٽرمپ جي بيانن سان سڄي دنيا ۾ ڳڻتي ۽ خوف جي فضا پيدا ٿي وئي آهي. پي ٽي وي جي پروگرام چوٿون ٿنڀ ۾ ڳالهائيندي هن چيو ته پهرين ۽ ٻي عالمي جنگ ۽ عراق جنگ سميت جيتريون به جنگيون ٿيون آهن انهن ۾ انسانيت جو سڀ کان وڌيڪ قتلام آمريڪا ڪيو پر هاڻي هو پاڻ کي سڀ کان وڌيڪ انسان دوست پيش ڪري ٿو، مسلمان ان جو سڀ کان وڌيڪ نشانو بڻيا آهن. مسعود ملڪ چيو ته 7 مسلمان ملڪن تي پابندي لاڳو ڪرڻ جي ڳالهه اتي دنگ نه ڪندي جيڪڏهن مسلمان امت نوٽيس نه ورتو ته ڳالهه اڳيان وڌي سگهي ٿي.