وزيراعظم مشاورت کانپوءِ آدمشماري جو فيصلو ڪيو آهي: مريم اورنگزيب

اسلام آباد – 16 ڊسمبر (اي پي پي) اطلاعات، نشريات ۽ قومي ورثي واري مملڪتي وزير مريم اورنگزيب چيو آهي ته وزيراعظم محمد نواز شريف صوبائي حڪومتن سان مشاورت کانپوءِ 15 مارچ کان سڄي ملڪ ۾ آدمشماري ڪرائڻ جو فيصلو ڪيو آهي، اهو فيصلو ان ڳالهه جو عڪاس آهي ته حڪومت عوام جي انگ جو صحيح تعين ڪري سمورن سماجي مسئلن جو ترجيحي بنيادن تي حل چاهي ٿي. اسلام آباد جي مقامي هوٽل ۾ آبادي جي محرڪات ۽ پائيدار ترقي جي هدفن ۾ اهميت جي موضوع تي ڪانفرنس کي خطاب ڪندي مملڪتي وزير مريم اورنگزيب چيو ته وزيراعظم محمد نواز شريف صوبائي حڪومتن سان مشاورت کانپوءِ 15 مارچ کان سڄي ملڪ ۾ آدمشماري ڪرائڻ جو فيصلو ڪيو آهي.