اسلام آباد – 16 آڪٽوبر (اي پي پي) صدر ممنون حسين وزيراعظم جي ايڊوائيس تي سينيئر قانوندان ارشد محمود ڪياني کي ڊپٽي اٽارني جنرل آف پاڪستان مقرر ڪري ڇڏيو آهي. ارشد محمود ڪياني اسلام آباد بار جو سينيئر ميمبر ۽ بار جو سيڪريٽري رهي چڪو آهي جنهن برطانيا جي يونيورسٽي آف اسٽيفورڊ شائر مان ليگل پريڪٽس ۾ ايل ايل ايم ڪئي آهي. ارشد محمود ڪياني اپريل 2014ع کان اسلام آباد هاءِ ڪورٽ ۾ اسٽينڊنگ ڪائونسل جي حيثيت سان ڪم ڪري رهيو هو جنهن جي تجربي ۽ ڪارڪردگي کي نظر ۾ رکندي کيس پاڪستان حڪومت ڊپٽي اٽارني جنرل آف پاڪستان جي ذميواري ڏني آهي.