اسلام آباد – 16 آڪٽوبر (اي پي پي) پاڪستان ۾ چين جي سفير سن وي ڊونگ چيو آهي ته پاڪ چين اقتصادي لنگهه منصوبو پوري پاڪستان جي لاءِ هڪ جيترو فائديمند آهي، گوادر تائين اولهندو روٽ يقيني طور تي ان منصوبي جو حصو آهي، لنگهه جا سمورا روٽس ترقي ۽ خوشحالي جي نويد ثابت ٿيندا، پاڪستان ۽ چين جي سفارتي لاڳاپن جا 65 سال مڪمل ٿيڻ تي منعقد ٿيندڙ اها دوستاڻي ڪار ريلي هڪ اهم سرگرمي آهي. هو پاڪ چين فرينڊشپ سينٽر ۾ منعقد ڪلچرل شو کي خطاب ڪري رهيو هو. ان موقعي تي پاڪستان ۽ چين جي فنڪارن پنهنجي ڀرپور فن جو مظاهرو ڪيو جڏهن ته بعد ۾ اطلاعات ۽ نشريات واري وفاقي وزير سينيٽر پرويز رشيد ۽ چين مان آيل مهمانن جي وچ ۾ سوونيئرز جي مٽاسٽا ۽ گروپ فوٽوز جو سيشن پڻ ٿيو.
