اسلام آباد – 12 اپريل (اي پي پي) وزيراعظم عمران خان چيو آهي ته خصوصي ٽيڪنالاجي زونز قائم ڪرڻ جو مقصد انفارميشن ٽيڪنالاجي جي صنعت سان واڳيل ڪمپنين کي سهولت ڏيڻ آهي. اهڙن خيالن جو اظهار هن انفارميشن ٽيڪنالاجي روڊ ميپ جي حوالي سان اعليٰ سطحي اجلاس جي صدارت ڪندي ڪيو. اجلاس ۾ اسپيشل ٽيڪنالاجي زونز اٿارٽي جي چيئرمين عامر هاشمي، پي ٽي اي جي چيئرمين ميجر جنرل (ر) عامر عظيم باجوه، نيشنل انفارميشن ٽيڪنالاجي بورڊ جي چيف ايگزيڪيوٽو آفيسر سيد صباحت علي شاهه، مسعود جبار ۽ طارق ملڪ شرڪت ڪئي.
