لاس اينجلس-28 جنوري (اي پي پي) آمريڪي ڪاروباري شخصيت مائڪرو سافٽ جي شريڪ بل گيٽس خبردار ڪيو آهي ته دنيا کي ڪورونا وائرس جي وبا کانپوءِ نئين وبا کي مُنهن ڏيڻ لاءِ تياريءَ تي هر سال اربين ڊالر جي سيڙپڪاري ڪرڻ جي ضرورت آهي. فرانسيسي خابرو اداري مطابق بل گيٽس ۽ هن جي گهر واري ملينڊا گيٽس گذريل ڏينهن جاري پنهنجي خط ۾ خبردار ڪندي چيو آهي ته ڪورونا وائرس جي وبا پوري دنيا کي پنهنجي وڪڙ ۾ آندو آهي جنهن سبب سڄي دنيا ۾ 21 لک کان وڌيڪ ماڻهو موت جي ور چڙهي ويا آهن ۽ متاثر ڪيسن جو انگ 10 ڪروڙ کان وڌيڪ ٿي ويو آهي.