اسلام آباد – 14 مارچ (اي پي پي) قومي اسيمبلي جي ڊپٽي اسپيڪر قاسم خان سوري چيو آهي ته نوجوان ملڪ جو حقيقي سرمايو آهن ۽ قوم جو مستقبل نوجوانن سان لاڳاپيل آهي ۽ انهن کي ئي قيادت سنڀالڻي آهي، قوم کي پنهنجي نوجوانن سان تمام گهڻيون اميدون لاڳاپيل آهن ۽ انهن اميدن تي پورو لهڻ لاءِ نوجوانن کي سخت محنت جي ضرورت آهي. هن اهڙن خيالن جو اظهار آزاد ڪشمير جي اسٽيٽ يوٿ اسيمبلي جي وفد سان ڳالهائيندي ڪيو، جنهن يوٿ اسيمبلي جي اڳوڻي وزيراعظم جواد اسلم جي سربراهي ۾ پارليامينٽ هائوس ۾ ساڻس ملاقات ڪئي.
