اسلام آباد – 21 مارچ (اي پي پي) ملائيشيا جو وزيراعظم ڊاڪٽر مهاتير محمد پاڪستان جي ٽن ڏينهن جي دوري تي هتي پهتو ته سندس انتهائي شاندار استقبال ڪيو ويو. وزيراعظم عمران خان نور خان ايئربيس تي پنهنجي ملائيشيائي هم منصب جو استقبال ڪيو. ان موقعي تي پرڏيهي وزير شاهه محمود قريشي ۽ مهمانداري وارو وفاقي وزير مخدوم خسرو بختيار پڻ موجود هئا. ان کان اڳ ملائيشيا جي وزيراعظم جي ايئرپورٽ اچڻ تي کيس 21 توپن جي سلامي ڏني وئي.
