اسلام آباد – 11 سيپٽمبر (اي پي پي) وزيراعظم عمران خان اڳوڻي قبائلي علائقن ۾ مقمي حڪومتن جي نظام کي رائج ڪرڻ لاءِ ڪوششون تيز ڪرڻ جي هدايت ڪندي ان ڳالهه تي زور ڏنو آهي ته قبائلي علائقن جي ترقي جي حوالي سان قبائلي عوام جي فيصلن ۽ مشاورت کي يقيني بڻائڻ لاءِ ضروري آهي ته انهن علائقن ۾ جلد کان جد لوڪل گورنمينٽ سسٽم لاڳو ڪيو وڃي، وفاقي حڪومت فاٽا لاءِ ترقياتي منصوبن لاءِ گهربل فنڊن کان وڌيڪ وسيلا مهيا ڪندي جڏهن ته اين ايف سي ايوارڊ ۾ فاٽا جي ترقياتي پيڪيج کي حاصل ڪرڻ لاءِ پنهنجو ڪردار ڀرپور طريقي سان ادا ڪندي. هن اها ڳالهه قبائلي علائقن (فاٽا) کي ضم ڪرڻ جي حوالي سان اعليٰ سطحي اجلاس جي صدارت ڪندي چئي.