اسلام آباد – 08 ڊسمبر (اي پي پي) صدر ممنون حسين حڪومتي ادارن، سول سوسائيٽي مذهبي اڳواڻن، ميڊيا ۽ عوام سميت معاشري جي سمورن طبقن تي زور ڏنو آهي ته ملڪ مان بدعنواني جو خاتمو ڪيو وڃي، بدعنواني جي خاتمي واري ڏينهن جي موقعي تي پنهنجي پيغام ۾ صدر چيو ته هر سال تعليم، صحت، پيئڻ جي صاف پاڻي ۽ بنيادي انفراسٽرڪچر جي فراهمي لاءِ اربين روپيا رشوت ۽ گهپلن جي ذريعي چورايا ويندا آهن جنهن سبب حڪومت لاءِ عوام کي بنيادي خدمتن جي فراهمي مشڪل ٿئي ٿي ۽ هو پنهنجي بنيادي حقن کان محروم رهندي آهي.
