سانگله هل – 11 نومبر (اي پي پي) وزيراعظم محمد نواز شريف پاڪستان جي ترقي ۽ عوام جي ڀلائي کي پنهنجو اولين ايجنڊا قرار ڏيندي چيو آهي ته ڪجهه ماڻهو ترقياتي ايجنڊا کي روڪڻ چاهين ٿا، انهن ماڻهن سدائين ترقياتي منصوبن جي مخالفت ڪئي پر اهي ڪامياب نه ٿيا، اهڙن ماڻهن جي ايجنڊا ناڪام ۽ اسان جي ڪامياب ٿيندي رهندي، فيصل آباد – پنڊي ڀٽيان موٽر وي تي سانگله هل انٽر چينج جي افتتاحي تقريب جي موقعي تي هڪ وڏي عوامي ميڙ کي خطاب ڪري رهيو هو. ان موقعي تي هن سانگله هل لاءِ گئس جي فراهمي، ننڪانه صاحب ۾ 250 بسترن جي اسپتال جو جلد سنگ بنياد رکڻ، فيصل آباد ساهيانواله ايڪسپريس وي جي تعمير ۽ قومي اسيمبلي جي تڪ اين اي 103 جي ٻهراڙي کي سوئي گئس فراهم ڪرڻ جو به اعلان ڪيو.
