دوحا – 23 آڪٽوبر (اي پي پي) صدر ممنون حسين قطر ۾ پاڪستاني سفارتخاني تحت هلندڙ پاڪستان ايجوڪيشن سينٽر جو دورو ڪيو ۽ شاگردن سان ڳالهه ٻولهه ڪئي. صدر قطر جي امير شيخ تميم بن حامد بن خليفه الثاني جي دعوت تي چئن ڏينهن جي سرڪاري دوري تي دوحا ۾ آهي. هن دوحا ۾ پاڪستاني ايجوڪيشن سينٽر جي لائبريري ۽ ڪلاس رومز جو دورو ڪيو. هن هتي موجود شاگردن سان دوستاڻي ماحول ۾ ڳالهه ٻولهه ڪئي. هن هتي رکيل وزيٽر بڪ تي پنهنجي صحيح ۽ تاثر پڻ لکيا.
