اسلام آباد – 22 آگسٽ (اي پي پي) اطلاعات، نشريات ۽ قومي ورثي واري وفاقي وزير سينيٽر پرويز رشيد ڪراچي ۾ ميڊيا هائوسز تي حملن جي سخت مذمت ڪئي آهي. وفاقي وزير پاران جاري بيان موجب هن چيو ته موجوده جمهوري حڪومت اظهار راءِ جي آزادي تي يقين رکي ٿي ۽ ميڊيا جي آزادي تي ڪو حملو برداشت نه ڪندي. هن چيو ته ڪنهن به نيوز چينل تي حملو ميڊيا جي آزادي ۽ عوام کي ڄاڻڻ جو حق جيڪو ڪنهن به جمهوري معاشري جو لازمي جز آهي، ان تي حملي جي برابر آهي.
