اسلام آباد – 16 آگسٽ (اي پي پي) قومي اسيمبلي جي اسپيڪر سردار اياز صادق پهرين ينگ پارليامينٽرين سارڪ ڪانفرنس جي شرڪت ڪندڙن جي آجيان ڪندي خطي جي ملڪن تي زور ڏنو آهي ته پرامن پاڙيسرين جي تصور کانسواءِ امن ۽ ترقي جو خواب شرمنده تعبير نٿو ٿي سگهي. ترقي جي لاءِ امن ۽ ڀائيچاري جي موضوع تي پهرين سارڪ ينگ پارليامينٽرين ڪانفرنس جي افتتاحي اجلاس کي خطاب ڪندي قومي اسيمبلي جي اسپيڪر سردار اياز صادق چيو ته پاڪستان جي قومي اسيمبلي جي 342 سيٽن مان 70 تي نوجوان پارليامينٽرين چونڊجي آيا آهن، هن عورت پارليامينٽرين جي ڪارڪردگي جي خاص طور تي واکاڻ ڪئي.
