اسلام آباد – 24 آگسٽ (اي پي پي) صدر ممنون حسين چيو آهي ته پاڪستان ۾ سيڙپڪاري جا تمام گهڻا موقعا موجود آهن جن مان عالمي سيڙپڪارن کي وڌ کان وڌ فائدو کڻڻ گهرجي. صدر اهڙن خيالن جو اظهار هتي ايوان صدر ۾ ترڪ سيڙپڪار ڪمپني ڪي او سي هولڊنگ جي صدر فتحي ڪمال ابيڪلي اولو جي قيادت ۾ ترڪيءَ جي وڏي سيڙپڪار گروپ جي وفد سان ڪالهه اربع ڏينهن ملاقات دوران ڪيو. ان موقعي تي پاڪستان ۾ ترڪيءَ جو سفير صادق بابر گورگن پڻ موجود هو.
