اسلام آباد – 25 آگسٽ (اي پي پي) پاڪستان ڀارت سان نتيجو ڏيندڙ ۽ جٽادار ڳالهين ۾ يقين رکي ٿو ۽ ڪشمير مسئلو ترجيح هوندي. پرڏيهي آفيس جي ترجمان نفيس ذڪريا هفتيوار پريس بريفنگ ۾ چيو ته هڪ پر امن قوم جي حيثيت سان اسان ڀارت سان ڳالهين ۾ يقين رکون ٿا جيڪي نتيجو ڏيندڙ ، جٽادار ۽ مضبوط هجن. هن چيو ته پاڪستان ڄمون ۽ ڪشمير جي مسئلي جي نبيري لاءِ لڳاتار ڪوششون ڪري رهيو آهي پر افسوس جي ڳالهه آهي ته ان حوالي سان پاڪستان ۽ ڀارت وچ ۾ گذريل 20 سالن کان جاري ڳالهين جو عمل ڪا موٽ نه ڏئي سگهيو آهي.
