اسلام آباد – 12 آگسٽ (اي پي پي) صدر ممنون حسين ان عزم کي ورجايو آهي ته پاڪستان گڏيل قومن جي سلامتي ڪائونسل جي قراردادن موجب خودمختياري جو حق حاصل ڪرڻ لاءِ والاريل ڪشمير جي عوام جي منصفاڻي جدوجهد جي حمايت جاري رکندو. اها ڳالهه هن آزاد ڄمون ۽ ڪشمير جي صدر سردار محمد يعقوب سان ايوان صدر ۾ ملاقات دوران چئي. صدر ممنون حسين آزاد ڪشمير ۾ تازي چونڊن جي ڪامياب انعقاد ۽ پرامن اقتدار جي منتقلي تي اطمينان جو اظهار ڪيو.
