اسلام آباد – 24 آگسٽ (اي پي پي) صدر ممنون حسين چيو آهي ته پاڪستان هڪ اعتدال پسند، امن پسند ۽ ترقي پسند اسلامي رياست آهي، دنيا ۾ پاڪستان جي حقيقي تصوير پيش ڪرڻ جي ضرورت آهي ته جيئن پاڪستان بابت ماڻهن ۾ موجود غلط فهميون ختم ڪري سگهجن. صدر اها ڳالهه ٻاهرين ملڪن ۾ مقرر ٿيندڙ پاڪستان انفارميشن گروپ جي پريس آفيسرن سان ڳالهائيندي چئي. صدر چيو ته پريس آفيسر پاڪستان بابت موثر اميج ۽ بيداري پيدا ڪرڻ ۽ ملڪ کي هڪ حقيقي جمهوري ۽ ترقي پسند ملڪ بڻائڻ جي لاءِ پنهنجو ڪردار ادا ڪن.
